‘Hee, moi!’
‘Hee, lange niet zien man, hoest mit oe?’
‘Goed, en mit oe?’
‘Ja, ok goed heur. Mit oen mannegies ok alles goed?’
‘Ze doen het goed op de skoele en bint mit beste repporten aover egaone. Wat is ‘t kold vandage, he?’
‘Ja man. Het weer is niks. Weinig an de vekaansie had, allent mar regen.’
‘Wij bint hen Kroatië ewest, in de folders weur ‘altied zunne’ beloofd: hebt wij weinig van emarkt!’
‘In de tune ok weinig an de zunne ehad’
‘Mar ik mut rap wieder, de kiender koomt zo uut skoele, goed gaon!’

As Fennegien allange de hoek umme is, bedeink ik dat zij der zo meu uutzag, zo opjaagd ok, ondaanks heur opsmuk en kestanjebroen evarfde haor.
En mien mombakkes gien barsten hef.