Schilder mij woorden vol kleur
aover Drenthe zien meleur
een kromme rogge van ‘t harde warken
de ienzaamheid van schieve zarken
Schrief mij aover wat aj ziet
en meer nog: dat wa’j niet
mit varfe kunt verwoorden
in godsverlaoten oorden
Blief niet langer zwiegen
tieken vellen vol zwarte twiegen
en velden waor ze garven bienden
Blief niet langer vluchten
schilder de zunne zunder zuchten
een brugge um oezölf te vienden
n.a.v. brieven en werken van Vincent van Gogh vanuit Drenthe, 1883.