Bericht van ’t Huus van de Taol

𝗪𝗶𝗻𝗻𝗮𝗮𝗿𝘀 𝘀𝗰𝗵𝗿𝗶𝗲𝗳𝘄𝗲𝗱𝘀𝘁𝗿𝗶𝗲𝗱 𝗯𝗲𝗸𝗲𝗻𝗱!

Ter gelegenheid van het 45-jaorige bestaon van oetgeverij Het Drentse Boek hew een Drentse schriefwedstried organiseerd. Het thema van de wedstried was ‘45’ en de oetgeverij fieterde schrievers an um wieder te kieken as allent het jaor 1945. En dat is goed lukt!

Veurige week dunderdagaovend (4 dec.jl.) kwamen de schrievers naor Beilen veur de priesoetreiking . Bij de ervaren schrievers waren de eerste priezen veur Gerrit Boer (poëzie) en Tonko Ufkes (proza). Bij de minder ervaren schrievers gungen de eerste priezen naor Gerdina (poëzie) en Riet van het Hof (proza). Van een selectie van de inzendings is een boek samensteld dat de titel Teroggekieker, naor het verhaal van Yvonne Bijl, kregen hef. Bijl kreeg het eerste exemplaar van de bundel tiedens de feestelijke priesoetreiking.

Het boekie is veur de symbolische pries van € 4,50 te koop in de winkel en de webshop van ’t Huus van de Taol.

Op de foto vlnr Riet van het Hof, Gerrit Boer en Tonko Ufkes. Gerdina kunt spietig genog niet anwezig weden.