Argens halverwege
aj viefenveertig keersies
uut kunt blaozen
op oen verjaordagstaorte

Viefenveertig keersies
um oen bestaon te vieren
mit een verjaordagstaorte
en zölf op-ehangen slingers

Alle dagen ‘t bestaon vieren
mit de meinsen um oe hen
en zölf op-ehangen slingers
want ‘t kun altied minder

Mit de meinsen um oe hen
gewoon deur blieven gaon
want het kun altied minder
ok al begunt het stunteln

Gewoon deur blieven gaon
mit tied um uut te blaozen
ok al begunt het stunteln
zomar argens halverwege