Der is een tied van komen
der is een tied van gaon
um zomar wat te dromen
of stille blieven staon

Der is een tied van geven
der is een tied van nemen
van veule in het leven
wij bint der ja mar even

Der is een tied van zeeien
der is een tied van spitten
um ‘t grös opnei te meeien
of ’t jaor weer uut te zitten

Der is een tied van plaanten
der is een tied van rooien
um wat te lanterfaanten
of spullen vurt te gooien

Der is een tied van zuken
der is een tied van missen
um ‘t olde te gebruken
of ‘t neie mit te grissen

Der is een tied van praoten
der is een tied van zwiegen
aj kletsen niet kunt laoten
ku’j beter niet staon liegen

Der is een tied van reren
der is een tied van lachen
en um dat goed te leren
muj soms een toertie wachten

_{In Zinnig 10e jaorgang nr 2-2026}

Vrij naar Spreuken 3 en
‘Lachen moej lèren, rèren komp vanzelf’
een verzameling Drèentse oetdrukkings en zegswiezen optiekend deur Janny Kok-Wolbers.